由於新娘妝太濃太厚，一完成後便衝回酒店梳洗，面目全非地坐的士去禮服店老闆娘介紹的 “第一手”吃麻辣火鍋，沒錯，雖然當時已經是晚上十一點累得要死，但是我實在太懷念台灣的麻辣鍋了，所以要把握機會吃得幾餐得幾餐，至於咁夜打邊爐好肥?呵呵呵，影完相就乜都唔使理啦~
可惜的是，這間麻辣鍋的質素其實好麻麻，湯底又淡又唔辣，不過開心的是有好多海鮮任食，有蟹有蜆仲有大大帶子，價錢都算ok 啦!加上雖然好夜，但人流都幾多，食火鍋都係多些人有氣氛嘛!
食完好飽，你建議不如散步回酒店，順便探險一下。不過其實我地都唔知那裡是什麼地方，附近又有些大型地盤…一路行一路有股擔心形成。。。
我:其實在半夜兩點半在這個不知名的地方探險係唔係有D驚呢?
你:吓?乜而家咁夜啦? 唔係十二點咩?
我:我地開始食野都十二點啦~
你:…….都係搭的士啦…
第三天的第一個行程是去鼎泰豐食早餐，一睇就知係我堅持的。(邊有人食咁多野做早餐架!)不過，其實去到都接近一點了，所以說是午飯都不為過。太遲出發的其中一個原因，是有人沉迷在日本的筋肉擂台式挑戰節目中不願意睡覺的關係。(點解來台灣唔睇台灣電視要睇日本電視!)
另一個原因，是永康街距捷運出口超級遠!!!我倆足足走完成個中正紀念堂再走多幾個路口才到達，貫徹我倆去旅行總會莫名其妙地走幾程極遠路的作風。(例如去日本在橫濱行到傻。去新加坡入左一條海岸線的單程路，然後走了地圖上差不多整個北部那麼長的地方。經典的是去澳門都可以無啦啦去左紅街市、沙梨頭的地方，你未聽過?正常，我諗冇乜香港人會盪失路行左咁遠。)
去到鼎泰豐，假日中午時間，理所當然的要你等一個多小時，於是我倆取了票便去了旁邊的度小月食“少少野”，唔~ ^.^ ~食 “少少野”通常係你為了安撫一個極之為食的我，因為貪心想兩間餐廳都去，而想出在一間食“少少”再去另一間食“少少”的折衷方法。
去到度小月點了擔仔米粉、肉燥飯、芙蓉豆腐和蒸蝦丸。少少野^.^好味！
等到差不多時間再轉戰鼎泰豐，點了小籠包和雞湯。吃了好失望呢～不是說不好吃，只是和香港的真的沒有分別，感到被騙了，為什麼別人會說台灣的本店比香港的好吃很多呢？（而你這時候，就是一副＂我早告訴你啦＂樣子!）
還想再寫的，不過其實有五份report等緊我，都是明天再續吧～
No comments:
Post a Comment